✍️पांढरकवडा : अशफाक खान
सामान्य नागरिकांचे हरविलेले मोबाईल फोन शोधून त्यांना परत देण्याच्या उद्देशाने पांढरकवडा पोलिसांनी उल्लेखनीय कामगिरी करत आतापर्यंत एकूण ४७ मोबाईल फोन ट्रेस करण्यात यश मिळवले आहे. यापैकी यापूर्वी २२ मोबाईल फोन त्यांच्या मूळ धारकांना परत करण्यात आले होते.
दरम्यान, आज दि. ७ मार्च २०२६ रोजी पोलीस स्टेशन पांढरकवडा येथे आयोजित कार्यक्रमात उर्वरित २५ मोबाईल फोन मालकांना सुपूर्द करण्यात आले. या मोबाईल फोनची एकूण किंमत सुमारे ३ लाख ७५ हजार रुपये इतकी आहे.
सदर मोबाईल फोन रॉबिन बन्सल, सहाय्यक पोलीस अधीक्षक तथा उपविभागीय पोलीस अधिकारी, पांढरकवडा यांच्या हस्ते संबंधित मोबाईल धारकांना परत देण्यात आले. आपले हरविलेले मोबाईल फोन परत मिळाल्याने नागरिकांनी समाधान व्यक्त करत पांढरकवडा पोलिसांचे आभार मानले.
ही संपूर्ण कारवाई पोलीस अधीक्षक श्री. कुमार चिंथा (यवतमाळ) व अपर पोलीस अधीक्षक श्री. अशोक थोरात (यवतमाळ) यांच्या मार्गदर्शनाखाली करण्यात आली. तसेच सहाय्यक पोलीस अधीक्षक तथा उपविभागीय पोलीस अधिकारी श्री. रॉबिन बन्सल यांच्या नेतृत्वात ही मोहीम प्रभावीपणे राबविण्यात आली.
पोलीस निरीक्षक एल. डी. तावरे यांच्या सूचनेनुसार पांढरकवडा पोलीस स्टेशनच्या गुन्हे शोध पथकाने तांत्रिक तपास व सायबर प्रणालीच्या मदतीने हरविलेले मोबाईल फोन शोधून काढले.
या कारवाईत पोलीस उपनिरीक्षक नितीन सुशीर, पोलीस हवालदार प्रमोद जुनुनकर, विलास जाधव, नापोका सचिन काकडे, सुनिल राठोड, संदीप मडावी तसेच पोलीस कॉन्स्टेबल राजू मुत्यलवार यांनी सक्रिय सहभाग घेतला.
पांढरकवडा पोलिसांनी केलेल्या या उपक्रमामुळे नागरिकांमध्ये पोलिसांबद्दल विश्वास वाढला आहे.
