✍️पांढरकवडा: अशफाक खान
केळापूर तालुक्यातील पहापळ येथे नागरिकांना विविध शासकीय योजनांचा लाभ एकाच ठिकाणी मिळावा या उद्देशाने महाराष्ट्र शासनाच्या निर्देशानुसार ‘छत्रपती शिवाजी महाराज महसूल समाधान शिबिर’ आयोजित करण्यात आले आहे. हे शिबिर दि. 10 एप्रिल 2026 रोजी आबासाहेब देशमुख पारवेकर आश्रम शाळा, पहापळ येथे पार पडणार असून, पहापळ मंडळातील सर्व गावांतील नागरिकांना याचा थेट लाभ मिळणार आहे.
या महत्त्वपूर्ण शिबिराला केळापूर-आर्णी विधानसभा मतदारसंघाचे आमदार राजूभाऊ तोडसाम प्रमुख उपस्थिती दर्शविणार आहेत. तसेच जिल्हाधिकारी कार्यालय यवतमाळ येथील उपजिल्हाधिकारी (महसूल) डॉ. पूनम अहिरे, केळापूरचे सहाय्यक जिल्हाधिकारी तथा उपविभागीय अधिकारी, परिविक्षाधीन उपजिल्हाधिकारी श्री एलगट्टे यांच्यासह विविध विभागांचे अधिकारी व कर्मचारी मोठ्या संख्येने उपस्थित राहणार आहेत.
🎯 नागरिकांसाठी एकाच ठिकाणी सर्व सेवा
या समाधान शिबिरात नागरिकांना अनेक शासकीय सुविधा तत्काळ उपलब्ध करून दिल्या जाणार आहेत.
🔺आधार कार्ड संबंधित सेवा
🔺विविध बँकांची ई-केवायसी प्रक्रिया
🔺महसूल व इतर विभागांचे विविध प्रमाणपत्रांचे वितरण
🔺शासकीय योजनांची माहिती व लाभ नोंदणी
यामुळे ग्रामीण भागातील नागरिकांना शासकीय कार्यालयांची धावपळ टाळून सर्व सेवा एकाच ठिकाणी मिळणार आहेत.
🎯 युवक व महिलांसाठी विशेष मार्गदर्शन सत्र
शिबिरात केवळ शासकीय सेवा नव्हे तर मार्गदर्शनपर उपक्रमांचाही समावेश करण्यात आला आहे.
🔻प्रा. डॉ. प्रवीण किनाके हे युवकांशी संवाद साधत करिअर व विकासाच्या संधींबाबत मार्गदर्शन करणार आहेत.
🔻कु. दीक्षा गुरनुले या महिला सक्षमीकरण व अंधश्रद्धा निर्मूलन या विषयांवर मार्गदर्शन करणार आहेत.
🔻सहा. पोलीस निरीक्षक सागर पेंढारकर (पोलीस स्टेशन पांढरकवडा) हे ग्रामीण भागातील वाढत्या सायबर गुन्ह्यांविषयी जनजागृती व मार्गदर्शन करणार आहेत.
🎯 प्रशासनाचे आवाहन
या शिबिराचा जास्तीत जास्त लाभ घ्यावा, असे आवाहन तहसीलदार केळापूर श्री राजेंद्र इंगळे यांनी केले आहे. तसेच शिबिराच्या यशस्वी आयोजनासाठी नायब तहसीलदार राजू मोट्टेमवार यांची नोडल अधिकारी म्हणून नियुक्ती करण्यात आली आहे.
🎯 तयारीला वेग
शिबिर यशस्वी होण्यासाठी महसूल विभागाचे अधिकारी व कर्मचारी जोरदार तयारी करत आहेत. यामध्ये तलाठी श्री गोरे, मंडळ अधिकारी देशट्टीवार, भोयर तसेच पहापळ मंडळातील सर्व ग्राम महसूल अधिकारी सक्रिय सहभाग घेत आहेत.
🎯 ग्रामीण भागासाठी उपयुक्त उपक्रम
हे शिबिर ग्रामीण नागरिकांसाठी अत्यंत उपयुक्त ठरणार असून, शासनाच्या योजनांचा थेट लाभ सर्वसामान्यांपर्यंत पोहोचवण्याचा हा एक प्रभावी उपक्रम ठरत आहे. त्यामुळे पहापळ मंडळातील सर्व नागरिकांनी मोठ्या संख्येने उपस्थित राहून या शिबिराचा लाभ घ्यावा, असे आवाहन प्रशासनाकडून करण्यात आले आहे.
