✍️वणी : प्रतिनिधी
वणी शहरातील शैक्षणिक क्षेत्रात आपली वेगळी ओळख निर्माण करणाऱ्या दिकुंडवार इंग्लिश ट्युशन क्लासेसने यंदाही आपल्या उत्कृष्ट परंपरेला कायम ठेवत माध्यमिक शाळांच्या परीक्षेत शंभर टक्के निकालाची अभिमानास्पद नोंद केली आहे. क्लासमधील सर्व विद्यार्थी उत्तीर्ण झाल्याने विद्यार्थ्यांसह पालक आणि शिक्षकांमध्ये आनंदाचे वातावरण निर्माण झाले असून शहरभरातून दिकुंडवार क्लासेसचे अभिनंदन करण्यात येत आहे.
इंग्रजी विषय विद्यार्थ्यांसाठी नेहमीच कठीण समजला जातो. मात्र दिकुंडवार इंग्लिश ट्युशन क्लासेसचे संचालक प्रा. राकेश दिकुंडवार यांनी विद्यार्थ्यांना अत्यंत सोप्या, प्रभावी आणि अभ्यासपूर्ण पद्धतीने मार्गदर्शन करून इंग्रजी विषयाची भीती दूर केली आहे. विद्यार्थ्यांच्या आकलनशक्ती नुसार शिकवण्याची त्यांची खास पद्धत, नियमित सराव, व्याकरणावर विशेष भर आणि प्रत्येक विद्यार्थ्याकडे वैयक्तिक लक्ष यामुळे विद्यार्थ्यांमध्ये आत्मविश्वास वाढून त्याचा थेट परिणाम निकालावर दिसून येत असल्याचे पालकांनी सांगितले.
विशेष म्हणजे, दिकुंडवार क्लासेसने केवळ गुणवत्तापूर्ण शिक्षणच दिले नाही, तर सर्वसामान्य आणि आर्थिकदृष्ट्या दुर्बल कुटुंबातील विद्यार्थ्यांनाही माफक शुल्कात शिक्षण उपलब्ध करून देत सामाजिक बांधिलकी जपली आहे. त्यामुळे ग्रामीण व मध्यमवर्गीय पालकांमध्ये या क्लासेसबद्दल विशेष विश्वास निर्माण झाला असून अनेक विद्यार्थ्यांचे शैक्षणिक भविष्य घडविण्यात या क्लासेसचा मोलाचा वाटा राहिला आहे.
यंदाच्या निकालात धीरज सचिन घुगुल, कृतिका विजय पराते, कृष्णा श्याम कडू, तुषार राजेश कोठारी यांसह अनेक विद्यार्थ्यांनी विशेष प्राविण्य मिळवत उल्लेखनीय यश संपादन केले. यशस्वी विद्यार्थ्यांनी आपल्या यशाचे श्रेय आई-वडिलांच्या पाठिंब्याला तसेच प्रा. राकेश दिकुंडवार यांच्या योग्य मार्गदर्शनाला दिले.
विद्यार्थ्यांच्या यशाबद्दल शहरातील विविध सामाजिक, शैक्षणिक व पालक संघटनांकडून अभिनंदनाचा वर्षाव होत आहे. दिकुंडवार इंग्लिश ट्युशन क्लासेसने सातत्यपूर्ण गुणवत्ता, उत्कृष्ट निकाल आणि विद्यार्थीकेंद्री शिक्षणपद्धतीच्या जोरावर वणी शहरात आपले वेगळे स्थान निर्माण केले असून आगामी काळातही अशीच उज्ज्वल कामगिरी कायम राहील, असा विश्वास पालक व नागरिकांकडून व्यक्त केला जात आहे.
