✍️पांढरकवडा : अशफाक खान
पांढरकवडा नगर परिषद निवडणूक 2025 च्या पार्श्वभूमीवर भाजपचे नगराध्यक्ष पदाचे उमेदवार आतिश उर्फ सोनू बोरेले यांनी प्रभाग क्र. 9 मधील उमेदवार, पदाधिकारी व कार्यकर्त्यांच्या बैठकीत मार्गदर्शन करतांना विकासाचा भक्कम अजेंडा मतदारांसमोर मांडण्याचे स्पष्ट निर्देश दिले.
शहरात गेल्या अनेक वर्षांपासून विरोधी गटाकडे सत्ता आहे. हद्दवाढ क्षेत्र, अतिक्रमित भाग, मूलभूत सुविधा, पाणीपुरवठा, स्वच्छता, रस्ते-विकास अशा अनेक क्षेत्रांमध्ये आजही अनेक समस्या प्रलंबित आहेत. “या सर्वच क्षेत्रात काम करण्याची संधी आपल्याला आहे. त्यामुळे मतदारांसमोर आपण कोणते काम कसे करणार आहोत, याचा ठोस व परिणामकारक रोडमॅप ठेवावा,” असे बोरेले यांनी सांगितले.
🎯 केन्द्र–राज्यात सत्ता, आमदारही भाजपचा – निधीची कमतरता भासणार नाही
“केन्द्रात, राज्यात आणि विधानसभेत आमदारही भाजपचा असताना पांढरकवड्याच्या विकासासाठी निधीची कमतरता भासणार नाही. नगर परिषदेतही सत्ता भाजपची आली, तर शहराचे सर्वांगीण रूपांतर घडविणे सहज शक्य आहे,” असे बोरेले यांनी स्पष्ट केले.
भाजपने यंदाच्या निवडणुकीत युवाशक्तीवर मोठा विश्वास टाकून स्वत:सह अनेक तरुणांना उमेदवारी दिली आहे. “युवा शक्ती पक्षनेत्यांच्या अपेक्षांवर खरे उतरतील, याबाबत मला पूर्ण विश्वास आहे. मतदारांना यंदा बदल हवा आहे आणि मतदारांचा कल आपल्या बाजूने आहे. फक्त आपली एकजूट आणि संघटित काम महत्त्वाचे,” असे त्यांनी म्हटले.
🎯 “आपले मतभेद विसरा, भाजप म्हणून एकसंघ काम करा”
बोरेले पुढे म्हणाले,
“प्रभागातील उमेदवार मीच असल्याने कार्यकर्त्यांनी मतदारांशी संवाद साधताना एकोपा आणि बांधिलकी दिसली पाहिजे. आपापसातील किरकोळ मतभेद विसरून ‘भाजप’ म्हणून एकजुटीने काम केल्यास विजय नक्कीच आपलाच असेल.”
🎯 स्वच्छ, सुंदर, भयमुक्त व भ्रष्टाचारमुक्त शहराचे संकल्पचित्र
पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या संकल्पनेतील ‘स्वच्छ व सुंदर नगर परिषद’ उभी करण्याचा संकल्प बोरेले यांनी व्यक्त केला.
“पांढरकवडा शहरातील प्रशासन नागरिकांसाठी भयमुक्त, पारदर्शक व भ्रष्टाचारमुक्त करण्यासाठी आपण सर्वांनी एकदिलाने प्रयत्न करायला हवा,” असे त्यांनी नमूद केले.
🎯 सभांमध्ये उमेदवार बोरेले यांच्या विचारांना मोठी गर्दी
शहरातील विविध भागात भाजपतर्फे घेण्यात येणाऱ्या प्रचारसभा, कोपरा सभा आणि पदयात्रांना मोठ्या प्रमाणात नागरिक उपस्थित राहत आहेत.
सोनू भैय्या बोरेले यांच्या भाषणातील स्पष्टता, तरुणाईशी असलेला संवाद आणि शहरविकासाची ठोस दृष्टी पाहून मतदार त्यांना उत्साहाने प्रतिसाद देत आहेत.
“सोनू बोरेले यांच्याकडून पांढरकवड्याच्या विकासाबाबत मोठ्या अपेक्षा आहेत,” अशा चर्चाही नागरिकांमध्ये जोरात सुरू असून मतदार आता त्यांच्याकडे “आशेच्या नजरेने” पाहत असल्याचे चित्र शहरात स्पष्ट दिसत आहे.
🎯 मोठ्या संख्येने कार्यकर्त्यांची उपस्थिती
या बैठकीला भाजपचे लोकप्रिय आमदार राजू तोडसाम, प्रभागातील नगरसेवक पदाचे उमेदवार, ज्येष्ठ पदाधिकारी, महिला कार्यकर्त्या, युवा मोर्चा पदाधिकारी आणि असंख्य कार्यकर्ते मोठ्या संख्येने उपस्थित होते.
