✍️वणी : प्रतिनिधी
सुशगंगा पॉलिटेक्निक कॉलेज, नायगाव (वणी) या नामांकित तांत्रिक शिक्षण संस्थेने MSBTE हिवाळी 2025 परीक्षेत उत्कृष्ट निकालाची परंपरा यंदाही कायम राखत पुन्हा एकदा आपला शैक्षणिक दर्जा अधोरेखित केला आहे. महाविद्यालयातील गुणवत्तापूर्ण अध्यापन पद्धती, आधुनिक तंत्रज्ञानाधारित शिक्षण, नियमित वर्ग, नियोजनबद्ध अभ्यासक्रम आणि सातत्यपूर्ण सराव यामुळे विद्यार्थ्यांनी उल्लेखनीय यश संपादन केले आहे.
महाविद्यालयाच्या प्राचार्या पुष्पाराणी मॅडम यांच्या सक्षम व दूरदृष्टीपूर्ण नेतृत्वाखाली राबविण्यात आलेल्या शिस्तबद्ध सूचना, वेळोवेळी घेतलेले शैक्षणिक आढावे, अभ्यासातील त्रुटींवर लक्ष केंद्रित करणारी मार्गदर्शन सत्रे तसेच विद्यार्थ्यांवर दिलेले वैयक्तिक लक्ष—या सर्व घटकांचा निकालावर सकारात्मक परिणाम झाल्याचे स्पष्ट दिसून येते. विद्यार्थ्यांच्या शैक्षणिक प्रगतीसाठी शिक्षकवर्गाने घेतलेली विशेष मेहनत आणि पालकांशी राखलेला सातत्यपूर्ण संवादही या यशामागे मोलाचा ठरला आहे.
🎯 गुणवंत विद्यार्थ्यांची उल्लेखनीय कामगिरी
यंदाच्या निकालात अनेक विद्यार्थ्यांनी 80 टक्क्यांहून अधिक गुण मिळवून महाविद्यालयाचा नावलौकिक वाढवला. त्यामध्ये—
🔺बिपाशा बंडु रामटेके – 88.80%
🔺प्रथमेश संतोष मार्तावर – 84.35%
🔺मानसी गजानन आडेवार – 83.00%
🔺वैभवी दिलीप भोयर – 82.84%
🔺प्रियांशु देवेंद्र मोगरे – 82.71%
🔺वरुण राजू पल्लेवार – 82.59%
🔺वैष्णवी मनोहर बावने – 82.12%
🔺जान्हवी नितिन पदलामवर – 82.00%
🔺साहिल प्रल्हाद शेंडे – 81.88%
🔺मो. दानिश कच्ची – 81.29%
या सर्व गुणवंत विद्यार्थ्यांनी कठोर परिश्रम, शिस्त आणि सातत्याच्या जोरावर हे यश मिळवले असून, त्यांनी इतर विद्यार्थ्यांसाठी प्रेरणादायी आदर्श निर्माण केला आहे.
व्यवस्थापन व शिक्षकवर्गाचे अभिनंदन
या उल्लेखनीय यशाबद्दल महाविद्यालयाचे माननीय अध्यक्ष श्री. प्रदीप गंगाधरराव बोनगिरवार सर व उपाध्यक्ष श्री. मोहन बोनगिरवार सर यांनी सर्व गुणवंत विद्यार्थ्यांचे तसेच प्राचार्या व संपूर्ण शिक्षकवर्गाचे मनःपूर्वक अभिनंदन केले. विद्यार्थ्यांनी भविष्यातही सातत्य राखून तांत्रिक शिक्षणात नवे शिखर गाठावे, अशा शुभेच्छाही त्यांनी दिल्या.
🎯 गुणवत्तेची परंपरा कायम
सुशगंगा पॉलिटेक्निक कॉलेज, वणी हे AICTE, नवी दिल्ली मान्यताप्राप्त व MSBTE, मुंबई संलग्न असून, आधुनिक प्रयोगशाळा, अनुभवी प्राध्यापक, उद्योगाभिमुख प्रशिक्षण आणि विद्यार्थी-केंद्रित उपक्रमांमुळे संस्थेने अल्पावधीतच गुणवत्तेची ठोस ओळख निर्माण केली आहे. MSBTE हिवाळी 2025 चा निकाल हीच परंपरा अधिक बळकट करणारा ठरला आहे.
